Verðlaun á árshátíð hlaupahópsins

Ég var að koma frá árshátíð hlaupahópsins í Laugum sem haldin var í Miðbæjarskólanum. Það var kátt á hjalla og það voru veitt verðlaun fyrir mestu framfarir, besta karl og kvenhlaupara, og síðast en ekki síst vonbrigði ársins. Ég varð þess heiðurs aðnjótandi að verða fyrir valinu sem vonbrigði ársins og fékk lítinn bikar því til staðfestu. Reyndar felst í þessu hvatning því sá sem fékk þessi sömu verðlaun í fyrra var valinn besti karlhlauparinn í ár. Ég gat samt ekki annað en brosað þegar ég las áletrunina á bikarnum, en þar stóð "Vonbrygði ársins" sem getur ekki talist annað en vonbrigði ársins hjá leturgrafaranum :-)