Íslandsmeistarar !!!

Ég hef lengi sagt að til þess að við hjónin gætum orðið Íslandsmeistarar í dansi, þá þyrfti að breyta reglunum á þann veg að keppt væri í úthaldi í stað þess að dæma dansfimina. Í gær varð okkur að ósk minni því við vorum eina parið sem mætti til keppni í flokki Senior í latin og eftir að við höfðum dansað með flokki fullorðinna fengum við verðlaun sem Íslandsmeistarar !!! Þetta var alveg makalaust að komast í gegnum þetta þvi við höfðum ekki dansað síðan í maí í fyrra í Blackpool. Ég búinn að vera gigtveikur og bruddi íbúfen frá þriðjudegi til þess að geta stigið í tána. Við náðum að æfa stutt á fimmtudagskvöld og föstudag með því að horfa á gamlar upptökur á vídeóvélinni því mundum ekki eitt einasta spor. Við náðum að standa þetta á keppnisdaginn nema hvað Jive-ið okkar var skotið því við rugluðumst illa. Mesta furða hvað þetta var. Með þessu unnum við keppnisrétt á heimsmeistaramótinu í Ástralíu á næsta ári (sem reyndar er plat því mótið er á Spáni).
Svona er nú tilveran skrýtin !!!

Það er rétt að taka fram að þetta er ekki aprílgabb :-)