Viðtal í Fréttablaðinu

Ég fékk upphringingu frá Fréttablaðinu þar sem þeir voru að gera kálf um iðnað og byggðu á frétt um styrkveitingu úr Námsgagnasjóði SI. Ég var spurður út í þekkingarverðmæti og hvað þarna væri á ferðinni. Ég var í bílnum þegar viðtalið fór fram og svaraði eftir bestu getu, en það var kostulegt að sjá svo það sem blaðamaðurinn hafði eftir mér. Best þótti mér samt að Claessen var rétt skrifað en í fréttinni hét ég Einar!!! Blessunarlega var mér sendur textinn áður og endurskrifaði ég fréttina svo hún væri meira eins og ég hefði viljað segja.