Síðasta setan í Maryhill

Þetta er síðasti dagurinn minn hjá EJS í dag. Það var alltaf vitað að ég gæti ekki verið lengur í vinnu hérna. Þetta er þrátt fyrir að ekki sé enn búið að ganga endanlega frá sölu á fyrirtækinu, en þessar viðræður eru á lokastigi. Ég ætlaði að bjóða upp á Dominos pizzu í hádeginu í dag sem kveðjumáltíð en það fór dálítið öðruvísi. Domino’s opnar ekki fyrr en hálf fimm á virkum dögum hérna svo það þurfti að kaupa tilbúna skammta í einhverri sjoppunni þar sem var hálf pizza og franskar, og vantaði ekki fituna í skammtinn. Við náðum því að snæða saman og skola þessu niður með kóladrykkjum. Það er söknuður af þessu góða fólki sem hefur verið mér hliðhollt í að laga til í rekstrinum hérna.

Núna er ég á leiðinni út á flugvöll og flýg til Spánar í kvöld þar sem Sigrún og mamma hennar eru. Síðan fer ég til Danmerkur á þriðjudag því Ásdís er að útskrifast í Árósum á miðvikudag og síðan förum við þrjú til Köben þar sem við fljúgum til Vínar til að vera með Önnu í sinni útskrift. Sem sagt fjör á ferð og flugi.