Jólaboð í hlaupahópnum

Þótt við værum orðin meira og minna hölt í Göngudeildinni þá höfðu Stefanía og Aðalsteinn ákveðið með löngum fyrirvara að bjóða okkur í Julefrokost 5. des. eftir æfingu. Ég skrifaði eftirfarandi texta í hlaupadagbókina um þessa æfingu:

„Síðasta hlaup í recovery viku sem var búin að vera ósköp þreytandi. Það vantaði vel upp á kílómetratölu vikunnar en þar sem við vorum svo spennt að komast í jólafrokostinn hjá Stefaníu og Aðalsteini og Kolla þurfti að skila af sér bakvaktarsímanum, þá var ákveðið að hafa þetta ekki of strembið. Enduðum fljótlega fjögur, þ.e. ég, Hrafnhildur, Kolla og Gunnhildur en sóttum þær systur, Kristínu og Ingigerði smá stund í miðbænum en töpuðum þeim þegar var komið vestur í bæ. Við fórum í gegnum miðbæinn til baka, upp Laugaveg en Borgartúnið hefðbundna leið utan smá krók á Teigunum til að ná upp í 10 km. Síðan tók við ótrúleg veisla í góðum félagsskap. Frábær dagur. Óskandi að eiga þá svona fleiri :-)."

Það var orða sönnu því veisluborðið var ótrúlega danskt og veitingar, bæði í föstu formi og fljótandi í stíl. Áttum við góða stund saman og veitti ekki af í öllu mótlætinu í hlaupunum.