Borðað í Hvíta Húsinu

Eftir að málstofuna á sunnudeginum fóru flestir af stað heim á leið nema ég og Steve. Það var tveggja tíma hlé þangað til við ætluðum að fara að borða á veitingahúsi með Pat. Steve fór að finna golfvöll og ég settist út á pall með bjór og tölvuna og gerði hið ótrúlega, ég fór að factor analysera breyturnar í könnuninni minni, nokkuð sem ég hafði aldrei gert áður og hefði ekki komið til hugar að gera sjálfur. Gekk nokkuð vel auk þess sem ég náði að galdra fram 6 hypothesur sem vantaði alltaf í ritgerðina, nokkuð sem fæddist í málstofuumræðunni. Gott mál.

Þegar Steve kom til baka fórum við með Pat á veitingastaðinn Pebbles, sem var eitthvað sem var alltaf gert. Pebbles var ekki með veitingasalinn opinn svo við fórum í Hvíta Húsið, sem var lítið hótel, sem hafði látið byggja hvelfingu ofan á staðinn sem var eftirlíking Hvíta Húsinu í Washington.
Dálítið halló, ef ég á að hafa skoðun á þessu. Þarna var herbergi með málverkum af nýjustu forsetunum og síðan veitingasalur sem var ekki fínni en það að fótboltaleikur dagsins var á risaskjá þar inni. Ég pantaði mér steik og bjór. Ég var ekki í vandræðum með að velja bjórtegund þegar ég sá listann. Spotted Cow bjór er málið !!!!!