Freyðandi “Löður"

Mér finnst ég hafa himinn höndum tekið. Þegar ég var í Halifax, þá fór ég í HMV til að skoða DVD og hvað haldið þið að ég hafi fundið?




eða Löður, eins og þetta heitir á okkar ylhýra máli. Það voru fagnaðarfundir að sjá aftur Jessicu, Burt, Mary, Chester, Corinne, Benson, Billy, Jody, Danny, Chuck og Bob og alla aðra sem tilheyra Tate og Campell fjölskyldunum. Ekki nóg með ég náði einni seríu, heldur náði ég fjórum. Ætli það séu nokkuð fleiri???

Það var hreint óborganlegt að sjá og heyra í Jessicu og ég grét úr hlátri þegar Burt gerði sig ósýnilegan. Hreint frábær skemmtun. Ég er búinn að horfa á fyrstu seríu og fyrsta diskinn af þremur í þeirri annarri. Ég hef reyndar þurft að stöðva glápið því ég er að falla á tíma með öll verkefnin sem biðu við komuna á föstudaginn, en ég hlakka til að eiga þetta til góða í öllum flugferðunum sem bíða mín í maí.